Este 2024 foi un ano no cal C21 Tui estivo moi atento as evolucións do Goberno Local, fiscalizando e traballando de forma incansable e constructiva a prol dos intereses da cidadanía.        Dende logo, neste vindeiro exercicio continuaremos na mesma liña.      Pero este apartado ten como cometido felicitar as Festas e así o facemos a través desta tarxeta de Nadal, agardando a maior das felicidades para os tudenses.  Moitas grazas por seguirnos. Bo Nadal e próspero 2025.

    En Pleno Extraordinario, aproveitando que o PP estaba cun concelleiro menos e ca complicidade tácita do BNG, o Grupo de Goberno aprobou un novo sistema de fabricar infraccións no centro de Tui, por enriba ampliable a moitas máis rúas por decisión unilateral de Alcaldía. Nestes termos expresábase o noso concelleiro, José Palacín, especialmente combativo co procedemento precipitado, por non haber tempo material para realizar as pertinentes consultas xurídicas é técnicas nun tema especialmente sensible como é a colocación de cámaras. Os liberais consideramos unha ironía ata o preámbulo da ordenanza que afirma que: “o aparcamento no centro de Tui é un ben escaso”. Responde Palacín: “É un ben escaso porque o Goberno do PSOE liquidou centos de estacionamentos nestes últimos cinco anos, presentando como alternativa unha esperpéntica e fracasada licitación do Parking Soterrado que por enriba custou aos tudenses máis de 200.000 euros en indemnizacións”. Tamén criticamos a impruden...

  O concelleiro de C21, José Palacín, acaba de introducir por rexistro unha petición para que adapte o paso de peóns da rúa Maristas, lembrando que hai que proseguir na labor de ir adaptando tódolos pasos de peóns ás necesidades de mobilidade. Por exemplo, este paso que piden os liberais está diante dunha clínica médica. Esta, de adaptar os pasos, foi unha iniciativa de Converxencia 21 no mandato pasado, que ía enmarcada na súa campaña #tuiseguro e que, en xeral, obtivo aceptable resposta por parte do concelleiro de Vías e Obras. Pero Palacín afirma que gran parte do centro urbano e sobre todo puntos claves das parroquias están sen adaptar, por exemplo con pasos de peóns a altura das beirarrúas, o cal provoca accidentes e impide a mobilidade a colectivos vulnerables nese sentido. Neste punto concreto da rúa Maristas, C21 tamén advertiu de un problema grave no xiro dos autobuses e camións.

  O Concelleiro de C21, José Palacín, ven avisando da mala situación do firme da Rúa Bispo Lago que presenta badéns, fendas e lousas levantadas produto de un afundimento progresivo. Ao abeiro da súa campaña #Tuiseguro, os liberais advertiron do inminente risco de accidente, a última vez, neste mes de marzo pero o Goberno Local non tomou cartas no asunto.  Finalmente, onte produciuse a caída dun transeúnte, turista de Madrid, que acabou sendo atendido por lesións no Centro de Saúde e ao que se lle rompeu a pantalla do teléfono móbil.  O concelleiro centrista explica que cando manda un rexistro de #Tuiseguro é porque advirte un risco real e que estas peticións deben ser atendidas de inmediato. Sen ir máis lonxe, antes do verán Palacín avisou da inminente caída das ramas dunha arbore en Areeiros e as dúas semanas unha pola colapsou, se ben di estar en xeral satisfeito ca actitude do Concelleiro de Obras, Rafael Estévez, pero ao mesmo tempo expresa que: “Debemos dotar máis or...