C21 solicita a retirada ou corrección dos elementos perigosos da Rotonda de Guillarei.

-
Trala alerta espertada polo Partido Popular na última sesión plenaria ao respecto da perigosidade de algúns elementos da rotonda de Guillarei, nos mesmos acudimos a comprobar que efectivamente as aletas laterais sobresaíntes constitúen un risco para motoristas e ciclistas en caso dun impacto porque tería o mesmo efecto que un quitamedos.

Por outra banda, non nos parece correcta a comparación de custes que realiza a Sra. Concelleira de Urbanismo entre a construción da rotonda do Edar de Guillarei, que supuxo unha inversión de 316.000 Euros, pero que incluíu expropiacións, encamiñado de itinerarios peonís, pavimentación con capa de rodaxe, pavimento empedrado e de formigón no interior da glorieta, ampliación da plataforma da estrada, iluminación, sinalización, colocación de balizamento e defensas, mellora, limpeza e adecuación da drenaxe, todo iso, (repetimos), comparalo ca simple colocación dun ornato nunha glorieta xa construída.

Iso por non falar da necesidade da obra que se formalizou ca Xunta de Galicia baixo o Goberno de Converxencia 21 o respecto desta outra, que é de nula utilidade práctica, e que por enriba supón un risco para a integridade das persoas.

Por todo isto, instamos encarecidamente ao Goberno a rectificar ditos elementos temibles e no día de hoxe comunicamos por rexistro de entrada dita petición.

Publicacións populares deste blog

Por que C21 non aprobou as facturas do Goberno Socialista de Tui?

-
Imaxe
    No Pleno de xaneiro (celebrado o 6 de febreiro) o Goberno do Partido Socialista de Tui traía un Recoñecemento de Crédito con cargo a Remanente Líquido de Tesourería por valor de máis de 263.000 euros. Ante a abstención do Bloque Nacionalista Galego (BNG) e o voto en contra do Partido Popular (PP), a decisión estaba nas mans do concelleiro de Converxencia 21, José Palacín. Un voto en contra paralizaría o expediente. Non era a primeira vez que se daba esta situación habendo facturas con cargo a remanente de por medio. En 2024, nun caso idéntico por valor de 370.000 euros, o noso concelleiro ca súa abstención facilitou a aprobación a cambio de que o Goberno Local corrixise certos vicios na súa xestión, axustándose a Lei de contratacións, que licitase a telefonía, a extinción de pragas e parques e xardíns e que presentase un documento rigoroso de custes efectivos dos novos servizos adquiridos no Concello (Edificio da Cárcere Vella, Edificio Camilo José Cela, Praza de Abast...
Ler máis

Converxencia 21 ven avisando do risco de accidentes peonís polo firme da Rúa Bispo Lago e finalmente produciuse unha caída.

-
Imaxe
  O Concelleiro de C21, José Palacín, ven avisando da mala situación do firme da Rúa Bispo Lago que presenta badéns, fendas e lousas levantadas produto de un afundimento progresivo. Ao abeiro da súa campaña #Tuiseguro, os liberais advertiron do inminente risco de accidente, a última vez, neste mes de marzo pero o Goberno Local non tomou cartas no asunto.  Finalmente, onte produciuse a caída dun transeúnte, turista de Madrid, que acabou sendo atendido por lesións no Centro de Saúde e ao que se lle rompeu a pantalla do teléfono móbil.  O concelleiro centrista explica que cando manda un rexistro de #Tuiseguro é porque advirte un risco real e que estas peticións deben ser atendidas de inmediato. Sen ir máis lonxe, antes do verán Palacín avisou da inminente caída das ramas dunha arbore en Areeiros e as dúas semanas unha pola colapsou, se ben di estar en xeral satisfeito ca actitude do Concelleiro de Obras, Rafael Estévez, pero ao mesmo tempo expresa que: “Debemos dotar máis or...
Ler máis