José Palacín solicita resetear o tráfico de Tui ao punto onde o deixara C21.

-

O noso concelleiro ven de solicitar por rexistro de entrada o reseteo do tráfico ata practicamente o punto onde o deixara Converxencia 21.

Durante estes últimos meses vense xerando un caos circulatorio debido as medidas restritivas implantadas polo Goberno Socialista, sendo a circulación cada vez mais atrancada, imbricada, complexa e antiintuitiva e o aparcamento cada vez mais escaso e alleo as necesidades dos viandantes e condutores.

Palacín pediu retornar aos sentidos de circulación anteriores ca excepción do sentido único de San Bartolomé e Arrayal, que non Palláns. Tamén manter as restricións pola Corredoira dende a Praza da Inmaculada cara o sur, pero abrindo novamente o dobre sentido da Corredoira dende a Inmaculada cara a O Porriño. Tamén avogamos por unha contrarreforma en Augusto González Besada e que se retorne a circulación no senso anterior na Rúa O Pilar.

Outras suxerencias de C21 son as de crear prazas de carga e descarga para repartidores e para minusválidos na propia Corredoira a fin de favorecer a hostalería, ao comercio e o acceso ao Casco Histórico, Concello, Policía Nacional, Facenda e Seg. Social e de modificar o emprazamento da parada de autobús da Rúa Ourense.  

Palacín sinala textualmente que: “Quedou demostrado empiricamente que os experimentos co tráfico so se poderán realizar a partir da apertura da Rúa Ourense pola cara norte, e por iso pido paciencia ao Goberno e que despois deste rotundo fracaso devolvan a solvencia en materia de tráfico rodado e de aparcamento a nosa cidade e polo tanto deixen de causar un dano irreparable a nosa calidade de vida, a nosa imaxe  e a nosa economía”.

Publicacións populares deste blog

Por que C21 non aprobou as facturas do Goberno Socialista de Tui?

-
Imaxe
    No Pleno de xaneiro (celebrado o 6 de febreiro) o Goberno do Partido Socialista de Tui traía un Recoñecemento de Crédito con cargo a Remanente Líquido de Tesourería por valor de máis de 263.000 euros. Ante a abstención do Bloque Nacionalista Galego (BNG) e o voto en contra do Partido Popular (PP), a decisión estaba nas mans do concelleiro de Converxencia 21, José Palacín. Un voto en contra paralizaría o expediente. Non era a primeira vez que se daba esta situación habendo facturas con cargo a remanente de por medio. En 2024, nun caso idéntico por valor de 370.000 euros, o noso concelleiro ca súa abstención facilitou a aprobación a cambio de que o Goberno Local corrixise certos vicios na súa xestión, axustándose a Lei de contratacións, que licitase a telefonía, a extinción de pragas e parques e xardíns e que presentase un documento rigoroso de custes efectivos dos novos servizos adquiridos no Concello (Edificio da Cárcere Vella, Edificio Camilo José Cela, Praza de Abast...
Ler máis

Converxencia 21 ven avisando do risco de accidentes peonís polo firme da Rúa Bispo Lago e finalmente produciuse unha caída.

-
Imaxe
  O Concelleiro de C21, José Palacín, ven avisando da mala situación do firme da Rúa Bispo Lago que presenta badéns, fendas e lousas levantadas produto de un afundimento progresivo. Ao abeiro da súa campaña #Tuiseguro, os liberais advertiron do inminente risco de accidente, a última vez, neste mes de marzo pero o Goberno Local non tomou cartas no asunto.  Finalmente, onte produciuse a caída dun transeúnte, turista de Madrid, que acabou sendo atendido por lesións no Centro de Saúde e ao que se lle rompeu a pantalla do teléfono móbil.  O concelleiro centrista explica que cando manda un rexistro de #Tuiseguro é porque advirte un risco real e que estas peticións deben ser atendidas de inmediato. Sen ir máis lonxe, antes do verán Palacín avisou da inminente caída das ramas dunha arbore en Areeiros e as dúas semanas unha pola colapsou, se ben di estar en xeral satisfeito ca actitude do Concelleiro de Obras, Rafael Estévez, pero ao mesmo tempo expresa que: “Debemos dotar máis or...
Ler máis