C21 solicita aos representantes da Xunta un trato especial para o comercio e a hostalería de Tui, en reciprocidade pola súa crítica situación debido ao peche perimetral.

-

O noso voceiro, José Palacín, aproveitou a visita da Sra. Delegada Territorial e do Sr. Director Xeral de Comercio, ámbolos representantes da Xunta de Galicia, para solicitar un trato especial para o comercio e para a hostalería de Tui debido a situación de peche perimetral exclusivo que está a sufrir a cidade.

Xa no último pleno, o noso voceiro expresou que cada administración do Estado debe asumir as consecuencias dos seus ditames, e que neste caso a Xunta é a responsable do peche perimetral exclusivo de Tui, cuestión que C21 non discute dende o punto de vista sanitario, e que incluso considera necesario, pero que debe ter unha contraprestación orientada a resarcir as perdas que padecen os sectores máis afectados como son o comercio e a hostalería.

Por outra banda, o C21 consideramos positiva a visita de ámbolos representantes e felicita a ACITUI polo traballo de artellar esta market place que “agardamos teña os resultados mercantís que o comercio local merece”.  
 
Foto: Radio Municipal de Tui.
 
Prensa. 
 
Radio Municipal de Tui. Noticias 13,30 h do día 4 de xaneiro. 

Publicacións populares deste blog

Por que C21 non aprobou as facturas do Goberno Socialista de Tui?

-
Imaxe
    No Pleno de xaneiro (celebrado o 6 de febreiro) o Goberno do Partido Socialista de Tui traía un Recoñecemento de Crédito con cargo a Remanente Líquido de Tesourería por valor de máis de 263.000 euros. Ante a abstención do Bloque Nacionalista Galego (BNG) e o voto en contra do Partido Popular (PP), a decisión estaba nas mans do concelleiro de Converxencia 21, José Palacín. Un voto en contra paralizaría o expediente. Non era a primeira vez que se daba esta situación habendo facturas con cargo a remanente de por medio. En 2024, nun caso idéntico por valor de 370.000 euros, o noso concelleiro ca súa abstención facilitou a aprobación a cambio de que o Goberno Local corrixise certos vicios na súa xestión, axustándose a Lei de contratacións, que licitase a telefonía, a extinción de pragas e parques e xardíns e que presentase un documento rigoroso de custes efectivos dos novos servizos adquiridos no Concello (Edificio da Cárcere Vella, Edificio Camilo José Cela, Praza de Abast...
Ler máis

Converxencia 21 ven avisando do risco de accidentes peonís polo firme da Rúa Bispo Lago e finalmente produciuse unha caída.

-
Imaxe
  O Concelleiro de C21, José Palacín, ven avisando da mala situación do firme da Rúa Bispo Lago que presenta badéns, fendas e lousas levantadas produto de un afundimento progresivo. Ao abeiro da súa campaña #Tuiseguro, os liberais advertiron do inminente risco de accidente, a última vez, neste mes de marzo pero o Goberno Local non tomou cartas no asunto.  Finalmente, onte produciuse a caída dun transeúnte, turista de Madrid, que acabou sendo atendido por lesións no Centro de Saúde e ao que se lle rompeu a pantalla do teléfono móbil.  O concelleiro centrista explica que cando manda un rexistro de #Tuiseguro é porque advirte un risco real e que estas peticións deben ser atendidas de inmediato. Sen ir máis lonxe, antes do verán Palacín avisou da inminente caída das ramas dunha arbore en Areeiros e as dúas semanas unha pola colapsou, se ben di estar en xeral satisfeito ca actitude do Concelleiro de Obras, Rafael Estévez, pero ao mesmo tempo expresa que: “Debemos dotar máis or...
Ler máis